Polisi yakomoje ku kamaro k’ibigo byigenga mu gutanga serivisi z’umutekano
Imibereho

Polisi yakomoje ku kamaro k’ibigo byigenga mu gutanga serivisi z’umutekano

Imvaho Nshya

October 13, 2023

Polisi y’Igihugu Ishami rishinzwe umutekano w’ibikorwa remezo n’ibigo byigenga birinda umutekano yavuze ko nyuma yo guhagarika Jenoside yakorewe Abatutsi, ubuyobozi bukuru bw’igihugu bwashyizeho ingamba zitandukanye zo kuzahura ubukungu bw’igihugu harimo n’ibikorwa remezo.

Byagarutsweho na SP Bernard Gatete, Umuyobozi ushinzwe amahugurwa mu ishami rishinzwe umutekano w’ibikorwa remezo n’ibigo byigenga birinda umutekano muri Polisi y’igihugu, kuri uyu wa Gatanu taliki 13 Ukwakira 2023.

Ni mu muhango wo gusoza amahugurwa y’amezi atatu yahabwaga inkumi n’abasore 83 mu ishuri rya Top Training Center mu rwego rwo gucunga umutekano w’ibigo by’abikorera.

Ishuri ritangirwamo amahugurwa Top Training Center ry’ikigo kizwi nka Top Security Company, giherereye mu Murenge wa Nyarugunga mu Karere ka Kicukiro mu Mujyi wa Kigali.

SP Gatete ashimira Ikigo kigenga gishinzwe kurinda umutekano w’abantu n’ibintu (Top Security Company) uburyo gitangamo serivisi zo gucuruza umutekano ariko akanagaragaza impamvu hatekerejwe ibi bigo.

Yagize ati “Kubaka ibikorwa remezo bimaze gushyirwa ku isonga muri gahunda za Leta, byabaye ngombwa ko hanatekerezwa uburyo bwo kubirinda bityo hatekerezwa uburyo bwo korohereza abashoramari mu gushinga ibigo byigenga mu gucuruza serivisi z’umutekano”.

SP Bernard Gatete, Umuyobozi ushinzwe amahugurwa mu ishami rishinzwe umutekano w’ibikorwa remezo n’ibigo byigenga birinda umutekano muri Polisi y’igihugu

Ibigo byaje kugaragara ko bifite akamaro gakomeye kuko bifatanya n’inzego z’umutekano nka polisi y’igihugu mu gucunga umutekano w’abaturarwanda n’ibyabo.

Ibi ngo byatumye hashyirwaho itegeko rishya kugira ngo rifashe ibigo byigenga bicuruza serivisi z’umutekano gukora kinyamwuga bibifashijwemo na polisi y’igihugu nk’urwego rushinzwe igenzura n’ishyirwa mu bikorwa y’iryo tegeko.

Top Sec ishimirwa kuba yaratanze amasomo neza nkuko biteganywa n’itegeko.

Ntigurirwa Jean Paul, umwe mu banyeshuri barangije amasomo mu ishuri rya Top Training Center, avuga ko ku mategeko y’ibanze ahana y’u Rwanda, indangagaciro z’umunyarwanda, kuzimya inkongi z’umuriro ndetse no gucunga umutekano.

Batojwe kandi akarasisi (kugendera hamwe) kumvira no kubaha. Yongeraho ko ubumenyi ahakuye ari ishema kuri we.

Ati “Amahugurwa azamfasha byinshi, kuba ndi umwe mu bashinzwe umutekano ni ishema kuri njyewe. Nje gutanga imbaraga kugira ngo ibyo nzakora bizarusheho kuba byiza”.

Uwimana Hillarie, na we urangije amahugurwa, avuga ko mu gihe cy’amezi atatu amaze mu mahugurwa hari ubumenyi ahakuye.

Agira ati “Amasomo nigiye hano agiye kumfasha mu mpinduramatwara tugiye kuzana. Icyo tuzanye muri uyu mwuga, ni imbaraga n’ubushobozi n’ubumenyi bw’ingufu z’umubiri”.

Ashishikariza bagenzi be kwitinyuka bityo bakagira uruhare mu gukorera igihugu no kugiteza imbere.

Akomeza agira ati “Kwitinyuka bidufasha kuba tutajya mu ngeso mbi zo kwiyandarika nk’uburaya, kunywa ibiyobyabwenge n’ibindi. Numva abakobwa bagenzi banjye baza tugafatanya umurimo wo gucunga umutekano”.

Umuyobozi Mukuru wa Top Security Company, Mbabazi Mathias, atanga impamyabumenyi ku barangije amahugurwa bitwaye neza

Mbabazi Mathias, Umuyobozi Mukuru wa Top Sec, yavuze ko umusanzu wabo nk’ikigo gishinzwe umutekano, ari ukunganira izindi nzego z’igihugu zishinzwe umutekano.

Yavuze ko mu mahugurwa batangamo amasomo 18 y’ingenzi uretse amasomo asanzwe y’umutekano afasha mu gucunga umutekano n’andi masomo y’ubumenyi ku bantu ku giti cyabo.

Yagize ati “Hari amasomo bahawe abafasha gucunga neza umutungo, kwiteza imbere no kwizigamira”.

Ubuyobozi bwa Top Security Company buvuga ko bufite gahunda zo kongerera ubushobozi abashinzwe umutekano muri Top Sec mu rwego rwo kwitegura kuzaba ikigo mpuzamahanga.

Imvaho Nshya yamenye amakuru y’uko ikigo cya Top Sec cyatangiye kubaka ikigo kizajya gitangirwamo amahugurwa mu rwego rwo kwitegura kujya gupiganirwa amasoko ku isoko mpuzamahanga.

Top Security Copmany cyatangiye mu 2006, ubu gifite abasekirite basaga 3000 bakoze ibyiciro 205. Ni mu gihe abasoje amahugurwa ari abanyeshuri 83 ikiciro cya 206. Ku wa Mbere w’icyumweru gitaha, haratangira ikindi cyiciro cy’abanyeshuri hafi 200.

KAYITARE JEAN PAUL

TANGA IGITECYEREZO

  • DUSHIMIRIMANA Faustin
    October 14, 2023 at 8:24 am Musubize

    TOPSEC is your complete source for Security Guards, CCTV Camera, Video Door Phones, Access Control, Intruder / Fire Alarm Systems,. Through our strategic partnerships with world class manufacturers, we have constructed the most comprehensive catalogue of digital surveillance equipment and other security related products available to dealers and security professionals in the South Africa, UK, USA

    Our philosophy is simple. We listen to our customers and then offer unbiased honest professional advice. We are continuously investing great deal of time and attendance . This allows us to be very selective in the brands and products that we carry. We do not follow industry trends, but rather set them. We embrace products that are field tested and include a manufacturers warranty. We also warn our customers to be aware of the self proclaimed Security Manufacturer who is simply importing no-name cameras and products from overseas that include no warranty or support.

    Our Technical products are available through a network of approved dealers throughout UK, Europe and now the Middle East and Africa.

    TOPSEC Investment Ltd is a high profiled security company with a vast spectrum of client base that includes, but not limited to:-

    Government Offices
    Educational Institutions
    Private Enterprises
    Religious Organizations
    Residential Estates
    Construction Companies
    Hospitality Industries
    Embassies & Consulates
    Individuals

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA