RSW yatangije amarushanwa ashakisha impano z’abahanzi ba Gospel
Ibyamamare

RSW yatangije amarushanwa ashakisha impano z’abahanzi ba Gospel

NTAWITONDA JEAN CLAUDE

March 17, 2022

Muhirwa Aphrodis ushinzwe gukurikirana ibikorwa bya Rise and Shine World Ministries mu Rwanda (RSW), yatangaje ko hatangiye amarushanwa yitezweho kugaragaza impano.

Yabigarutseho kuri uyu wa Gatatu taliki 16 Werurwe 2022 mu kiganiro yagiranye n’abanyamakuru mu Mujyi wa Kigali.

Asobanura ko iki gikorwa bateguye kigamije gutoranya abafite impano baririmba indirimbo zihimbaza Imana.

Hashyizweho indirimbo yitwa ‘Ugendane nanjye’ ya Bishop Justin Alain.

Hasobanurwa ko iyo ndirimbo ariyo yashyizwe mu irushanwa kugira ngo abantu bayiririmbe hanyuma bashobore gutoranya abantu bafite impano.

Mu kiganiro kigufi n’Imvaho Nshya yagize ati: “Dutoranya aba bantu twashingiye ku byiciro bibiri. Ikiciro cya mbere kigizwe n’abantu basanzwe bafite indirimbo zabo mu gihe ikindi kigizwe n’abahanzi badafite indirimbo n’imwe barashyira hanze”.

Akomeza avuga ko mu cyiciro cya mbere hazahembwa abantu batatu no mu cyiciro cya kabiri bahembemo batatu.

Aba bose uko ari batandatu bazaba bitwaye neza, abategura iki gikorwa bemeza ko bazatangazwa bakanahabwa ibihembo taliki 16 Mata 2022.

Abashinzwe gutegura ibi bikorwa bavuga ko abahatana batangiye ari 87. Muri abo 87, 25 ni bo batoranyijwe mu gukomeza.

Muri 25 hari abana babiri bivanyemo, ubu hasigaye 22 hiyongereyeho itsinda.

Ejo saa sita z’ijoro tariki 18 Werurwe 2022 biteganyijwe ko ari bwo amatora azatangira, arangire tariki 15 Mata 2022 saa tanu z’ijoro.

Muri iyi minsi hari ibikorwa biteganyijwe ku barushanwa

Abari mu marushanwa bose bazasura Urwibutso rwa Nyamata mu Karere ka Bugesera.

Muhirwa avuga ko bazanafasha abatishoboye ndetse banasure ishuri rizigirwamo n’umwe mu bari mu irushanwa kandi akiga arihirirwa.

Gutora bizajya bibera kuri website ya RwandaGospel. Muhirwa avuga ko hazajya haba hariho ifoto y’uri mu irushanwa na nimero ye.

Hari ubundi buryo kandi buzakoreshwa aho abarushanwa bazajya bakora video ngufi.

Ati: “Uzajya ureba indirimbo yitwa ‘Ugendane nanjye’ ya Bishop Justin Alain hanyuma ukajya kuri ya video y’uwo ushaka gushyigikira, ugashyiraho icyo utekereza (Comment) kijyanye n’ubutumwa wakuye muri ya ndirimbo, ukandikaho.

Ayo majwi azashingirwaho n’abagize akanama nkemurampaka bazatanga amanota”.

Abahanzi bazatsinda bazahabwa amafaranga angana na miliyoni.

Uwa Mbere azahabwa amafaranga y’u Rwanda (Frw) 300,000, ahabwe itike y’indege yo kuzajya mu gikorwa kindi gikurikiyeho.

Aha ni muri cya kiciro gifite abasanzwe bafite indirimbo zabo, hanyuma kandi anakorerwe audio na video.

Uwa Kabiri azahwa 200,000 Frw akorerwe audio na video yanditsemo amagambo agize indirimbo (Lyrics).

Uwa Gatatu azahabwa 50,000 Frw akorerwe na audio.

Akomeza avuga ko abo mu cyiciro cy’abadafite indirimbo n’imwe nabo bazahembwa.

Uwa Mbere azahabwa 300,000 Frw akorerwe audio na video.

Uwa Kabiri azahabwa 100,000 Frw akorerwe audio na video mu gihe uwa Gatatu azahabwa 50,000 Frw agakorerwa na audio.

TANGA IGITECYEREZO

  • Y.chris Aimé
    March 25, 2022 at 7:32 am Musubize

    Ikibazo njya ngira Ku kitwa competition z’iwacu ni umusaruro was byo. Ni inde muhanzi mu Rwanda muzi wazamuwe na competition? Njye maze imyaka 10 muri utu muziki nk’umuhanzi ark rwose ibi bikorwa mu nyungu za banyir’ubwite babiteguta kuruta uko ari Ku z’uwo muntu bashaka. Twagiye tubona kompetisiyo nyinshi ariko ntawe zazamuye. So, mugerageze ark I assure you my fellow singers out there, no better output. Ngaho ndebera imitorere?? Don’t you question them?

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA