Sadate wahoze ari Perezida wa Rayon Sport yemereye umufana impano
Siporo

Sadate wahoze ari Perezida wa Rayon Sport yemereye umufana impano

Imvaho Nshya

July 25, 2023

Uwiyita ‘Perezida w’Abamotari’ ku mbuga nkoranyambaga yasabye ko yaremerwa agahabwa impuzangano y’abafana b’ikipe ya Rayon Sport.

Iyi kipe ya Gikundiro isanzwe ifite abafana benshi mu Rwanda no hanze imaze iminsi isinyisha abakinnyi batandukanye baba abo mu Rwanda no hanze yarwo.

Ku munsi w’ejo yatangaje umwambaro uzajya wambarwa n’iyi kipe igihe yakiriye ikipe.

Perezida w’Abamotari yandikiye Munyakazi Sadate ammusaba ko yamwemerera umwambaro w’abafana.

Yagize ati “Muraho Sadate, mu migisha Allah yabahaye mumfashije mukandemera uyu mwambaro nk’umukunzi wa Rayon Sport byanshimisha cyane, murakoze”.

Sadate ntiyazuyaje kuko yahise amwemerera kumuremera.

Ati “Nyarukira Kimihurura mu rugo rwa Rayon Sport ubabwire bamvugishe, turebe ko wawutahana”.

Perezida w’Abamotari yagaragaje ko aherereye i Gisenyi ko ibyo kujya mu rugo rwa Rayon Sport yarujyamo yaje i Kigali.

Ku rundi ruhande, Sadate yamubwiye ko nta kibazo igihe yahagerera cyo cyose azahabwa impano ye.

Yanditswe na KAYITARE JEAN PAUL

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA