Abahanzi The Ben na Diamond Platinumz basanzwe bafitanye indirimbo bagiye kongera guhurira mu gitaramo muri Uganda aho baherukaga gutaramana mu 2025.

Ni igitaramo cyateguwe kizwi nka “Comedy Store,” kizabera i Kampala mu gitaramo cy’urwenya, kikaba gisanzwe gitegurwa n’umunyarwenya Alex Muhangi, umenyerewe mu gutumira abahanzi b’ibyamamare mu bitaramo bye.

Biteganyijwe ko The Ben na Diamond Platinumz bazataramira muri Uganda ku wa Gatanu tariki 5 Kamena 2026.

The Ben na Diamond Platnumz ni bamwe mu bahanzi b’abanyamahanga bakundwa muri Uganda kuko bafite ibihangano bikunzwe n’abatandukanye byagera ku ndirimbo bahuriyeho yitwa “Why”, yabafashije kurushaho kwagura izina ryabo mu Karere no hanze yako.

Abo bombi baherukaga gutaramira muri Uganda, ubwo bari bitabiriye igitaramo cyiswe “Coffee Marathon UG,” cyabereye muri icyo gihugu ku wa 25 Gicurasi 2025, bakagihuriramo na bamwe mu banyabigwi mu muziki wa Uganda barimo Eddy Kenzo na Bebe Cool.

Ubwo abo bahanzi baherukaga muri Uganda bakiriwe mu buryo bwihariye kugeza n’aho bahawe indege ibageza ahari bubere igitaramo bigateza impaka ku bakurikirana imyidagaduro bavuga ko abahanzi babo basuzuguwe kuko bakiriwe mu buryo butandukanye n’ubwo The Ben na Diamond Platinumz bakiriwemo.

Ba uwa mbere mu kumenya amakuru agezweho!!!