U Burusiya: Ibiciro by’ibiribwa bikomeje gutumbagira
Mu Mahanga

U Burusiya: Ibiciro by’ibiribwa bikomeje gutumbagira

Imvaho Nshya

August 17, 2023

Mu Burusiya haragaragara izamuka rikabije ry’ibiciro ku buryo mu Murwa Mukuru ho abantu baza guhaha mu masantere y’ubucuruzi, umuntu akaba ashobora gusubirayo ntacyo ahashye kuko ibiciro byatumbagiye cyane kandi ku bihahwa byinshi.

Urugero, igiciro cy’urubuto rwa pome cyazamutse, mbere ikilo cyaguraga amafaranga 80, ubu cyazamutse kikuba inshuro zirenze ebyiri.

Umwe mu babyeyi bari baje guhaha batangaza ko hari n’ibyo baretse guhaha. Yagize ati: “Twahagaritse kugura amata muri Chili. Nanone ubu turimo kugura amafi yo mu Burusiya gusa, urugero nk’ifi ya salmon.

Umugabo na we wari waje guhaha yagize ati: “Ibiciro by’inyama byariyongereye, byazamutseho 20%. Yongeyeho ati: “Inkweto, imyenda, ibitabo na byo”. Mu mezi make ashize, umupira (T-shirt) washoboraga kuntwara amafaranga y’Amarusiya 1.500 ubu ugeze ku 2.500. “

Undi muntu utuye i Moscow yagize ati: “Muri rusange, ibiciro by’ibiribwa byose byiyongereye. Ariko navuga ko ibicuruzwa byose bya buri munsi na byo ari uko ibikoresho byo kubaka, ibyuma by’imodoka; rwose ibintu byose birahenze cyane. Ku bikoresho by’ubwubatsi, byazamutse ku mpuzandengo iri hagati ya 10% na 15% mu gihe cy’umwaka umwe ndetse kuba inyama zihenze cyane byanazamuye ibiciro cyane muri resitora”.

Muri rusange, abatuye Moscow bavuga ko badategereje ko bihagarara mu minsi ya vuba. Banki Nkuru yari yateguje ko ibiciro bizakomeza kuzamuka guhera ku itariki ya 15 Kanama, aho izamuka ry’igipimo cy’ibanze kiva ku 8.5% kikagera kuri 12%, “birashoboka mu gihe ifaranga rikomeje guta agaciro.”

Nk’uko byatangajwe n’ikinyamakuru Vedomosti kuri uyu wa Kane tariki ya 17 Kanama, haraganirwa ku kureba uburyo icyo kibazo cyashakirwa umuti.

Ku rundi ruhande, amabwiriza adasanzwe, yaba yaranyujijwe ku bigo byinjiza amafaranga y’amahanga byinjira mu buryo bwihuse, ibyinshi muri byo bikaba amafaranga.

Indi ngingo isuzumwa ni uburyo bwo kugabanya ibitumizwa mu mahanga, ibyo bikorohereza umutwaro  isanduku ya Leta, naho ubundi bishobora kugira uruhare mu gutera inkunga ibikorwa by’intambara bya Kremlin ndetse bikanangiza imicururize yambuka imipaka.

Kuri ibyo, hiyongeraho kuba hari n’ibihano, gukoresha n’icyemezo cy’Abanyaburayi cyo kwikuramo ingufu zikomoka mu Burusiya, amafaranga ava mu kugurisha gaze na Peteroli, isoko nyamukuru yinjira mu ngengo y’imari yagabanyutseho 41.4% hagati ya Mutarama na Nyakanga, nk’uko imibare ya Minisiteri y’Imari ibigaragaza, ku buryo gihombo gishobora gukomeza kwiyongera muri uyu mwaka.

Nk’uko ikinyamakuru Vedomosti kibitangaza ngo kugira ngo ikibazo cy’izamuka ry’ibiciro cyorohe, Banki Nkuru uko biri kose iragerageza kugabanya ibicuruzwa biva mu mahanga. Umuyobozi wayo Elvira Nabiulina mu nama, yasabye Guverinoma gutekereza ku kongera imisoro ku bicuruzwa bitumizwa mu mahanga.

Yanditswe na NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA