U Rwanda rugiye kwakira inama y’Ababaruramari bw’umwuga bo muri EAC
Amakuru

U Rwanda rugiye kwakira inama y’Ababaruramari bw’umwuga bo muri EAC

ZIGAMA THEONESTE

April 11, 2024

Urugaga Nyarwanda rw’Ababaruramari b’Umwuga (ICPAR) rwatangaje ko kuva tariki ya 16 kugeza tariki ya 19 uyu mwaka, i Kigali mu Rwanda hazateranira inama ya 4, izahuza Ababaruramari b’Umwuga baturutse mu bihugu by’Afurika y’Iburasirazuba (EAC).

Mu kigianiro ni itangazamakuru cyabaye kuri uyu wa Kane  tariki ya 11 Mata 2024, yatangaje ko iyo  inama yiswe (EACOA), izahuriza hamwe abaruramari hafi 800 baturuka mu karere, ndetse n’abandi 300 barimo ababaruramari, inzobere mu bucuruzi, abakora mu nzego za Leta, imiryango itari iya Leta y’imbere mu gihugu n’indi miryango mpuzamahanga.

Bazifatanya n’abazitabira bazaganira ku buryo bwo guhangana n’imbogamizi zibagimiye umwuga w’ishoramari ari zo ntandaro yo kudindira k’ubukungu bw’akarere muri  rusange.

Urugaga Nyarwanda rw’Ababaruramari b’Umwuga (ICPAR) rwatangaje ko iyo nama ya EACOA izabera muri Kigali Exhibition and Conference Centre (KECV) hazwi nka Camp Kigali.

Perezida wa ICPAR Obadia Biraro yatangaje ko iyo nama ije ikenewe kuri abo Ababaruramari i b’u Rwanda ndetse n’abanyamahanga, kuko bazashobora kwagura imikorere no kunoza umwuga w’ishoramari kandi bigatuma bakomeza gutera imbere ndetse banabikora kinyamwuga.

Yagize ati: “ICPAR yiteguye kwakira iyi nama ya EACOA ikazaba ihagarariye u Rwanda, twiteguye kwakira inzobere mu ibaruramari, n’abanyenganda batandukanye bazamara icyumweru cyose baganira, bigiranaho, bashaka uko bahuza imikoranire mu rwego rwo kubaka umwuga uhamye w’ibaruramari muri Afurika y’Iburasirazuba mu gihe kizaza.”

Umuyobozi Mukuru wa ICPAR Miramago Amin, ati: “Tuzaganira ku ikoranabuhanga […] abantu badusabye kubasobanurira, ese kuba u Rwanda ruri ku isonga mu bijyanye n’ikoranabuhanga, rwabikoze gute?”

Uwo Muyobozi yavuze ko bazaganira ku ngaruka z’ikoranabuhanga aho rituma abantu batakaza akazi ndetse no kureba inyungu ritanga, kuko hari n’abatakaza umwanya mu byo bakora kandi byakorwa mu buryo bw’ikoranabuhanga bikihuta, uwari kubikora na we akajya mu gukora ibindi.

Inama ya 4 ya EACOA izitibirwa n’abayobozi mu nzego zitandukanye zirimo ababaruramari b’umwuga, abayobozi b’inganda zikomeye, abari mu nzego zifata ibyemezo n’abandi bafatanyabikorwa bo bihugu bigize umuryango w’Afurika y’Iburasirazuba.

Ni inama kandi izaba ihuje abandi bakora mu bigo byo mu Rwanda aho byitezwe ko havamo n’andi masezerano yo kubaka umwuga w’ishoramari ndetse no kuba igihugu muri rusange.

Ni inama izahuza Urugaga Nyarwanda rw’Ababaruramari b’Umwuga (ICPAR), urwa Kenya (ICPAK), Ikigo cy’ababaruramari n’abagenzuzi b’imari (NBAA) cya Tanzania.

Urugaga rw’Ababaruramari b’Umwuga rwa Uganda (ICPAR) n’urw’u Burundi (OPC), abo babaruramari bakorera mu nzego zitandukanye zirimo iz’ubuhinzi, ikoranabuhanga uburezi n’izindi.

Yashinzwe mu mwaka wa 2008, ICPAR ifite abanyamuryango 1200 mu myaka 16 imaze ishinzwe, ikaba ifite intego yo kugera ku babaruramari b’umwuga ibihumbi 10.

Kuri ubu harimo kwiga abanyeshuri biga ibaruramari ry’umwuga CPA bagera ku bihumbi 6.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA