Ubufaransa: Bakatiwe gufungwa bazira korora injangwe n’imbwa
Mu Mahanga

Ubufaransa: Bakatiwe gufungwa bazira korora injangwe n’imbwa

KAYITARE JEAN PAUL

April 4, 2024

Mu Bufaransa umugabo n’umugore bakatiwe igifungo cy’umwaka umwe gisubitse kubera korora injangwe 160 n’imbwa 7 mu rugo rwabo. Bategetswe kandi kutazongera kugira itungo borora.

Urukiko mu Mujyi wa Nice rwahamije uuwo muryango icyaha cyo kutita kuri ayo matungo no kutayafata neza.

Bategetswe kandi gutanga ihazabu y’amayero 150,000 azahabwa umuryango wita ku nyamanswa mu Bufaransa.

Uyu muryango wabaga mu nzu ifite metero kare 80 n’injangwe 160 n’imbwa 7 mu Mujyi wa Nice.

Mu 2023, ubwo polisi yari ije guhosha amakimbirane hagati y’uyu muryango n’abaturanyi bawo, yahasanze amatungo afite ibimenyetso by’umwuma no kudafungura. Inasanga injangwe ebyiri n’ibibwana bibiri byapfiriye mu bwiherero bw’inzu yabo.

Nyuma yo gukatirwa, umwe mu bahamijwe icyaha, umugore w’imyaka 68, yavuze ko azajurira icyemezo cy’urukiko.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA