U Burusiya bwatangiye amatora Ukraine yongera ibitero
Mu Mahanga

U Burusiya bwatangiye amatora Ukraine yongera ibitero

KAYITARE JEAN PAUL

March 15, 2024

Kuri uyu wa Gatanu tariki 15 Werurwe 2024, Uburusiya bwatangiye amatora mu gihe Ukraine yongereye ibitero ku mupaka.

Umuvugizi wa deparitema ya Leta muri Amerika, yunze mu ry’Uburusiya ko bwatangiye gutora kuri uyu wa Gatanu. Ni amatora agamije kongerera Perezida Vladimir Putin indi manda y’imyaka itandatu ku buyobozi. Ukraine ifata aya matora nka “baringa” ikaba yanatangije ibitero mu ntara zo ku mipaka.

Umwe mu bayobozi i Moscou yaburiye abahirahira bagakora imyigaragmabyo mu gihe cy’amatora ya Perezida hagati y’itariki ya 15 n’iya 17 z’uku kwezi kwa Gatatu. Ni nyuma y’uko abatavuga rumwe n’ubutegetsi barwanya Putin, bahamagariye imyigaragambyo ku cyumweru.

Ibiro Ntaramakuru by’Abafaransa (AFP) byatangaje ko Uburusiya buvuga ko amatora azerekana ko igihugu gishyigikiye byimazeyo ibitero byabwo kuri Ukraine kandi ko ibiro by’amatora byamaze gutegurwa ku butaka bufitwe n’Uburusiya.

Mbere y’amatora, Ukraine yagabye ibitero byayo byo mu kirere ku ntara z’Uburusiya, ziri hakurya y’umupaka ibihugu bisangiye.

Ibiro by’amatora byafunguye mu kigobe cya Kamchatka mu burasirazuba bw’Uburusiya Saa Mbiri za mu gitondo kw’isaha yo mu Karere kuri uyu wa Gatanu. Byitezwe ko bifunga Saa Mbiri z’ijoro kw’isaha ya GMT ku cyumweru, i Kaliningrad. Aha ni aho Uburusiya buhana imbibi n’ibihugu bya Polonye na Lituwaniya.

TANGA IGITECYEREZO

  • Yamaha
    March 15, 2024 at 9:28 pm Musubize

    Ikirene Ntiyirate
    Ngonuko Irikugaba
    Ibitero Kuburusiya
    Ngonuko Barimumatora
    Reka Amatora Arangire
    Urebe Ibyo Ingabo
    Zuburusiya Zizabakorera
    Putini Ngirengo Namwe
    Muramuzi Numujinyawe
    Azihimura .

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA