Umunyamakuru akaba n’Umuyobozi wa Radio z’Urwego rw’Igihugu rw’Itangazamakuru (RBA), Divin Uwayo, yambitse impeta y’urukundo umukunzi we Ellen Toni bitegura kurushinga.

Ni amakuru yatangajwe n’uyu munyamakuru yifashishije imbuga nkoranyambaga ze, mu gitondo cyo kuri uyu Kane, tairki ya 1 Ukwakira 2026.

Yagize ati: “Uyu munsi twahisemo urukundo rw’ubuziraherezo. Imitima ibiri, isezerano rimwe, urugendo rwo kwibanira iteka ruratangiye”.

Nubwo aba bombi batangaje ko batangiye urugendo rwo kwitegura kurushinga ntibigeze batangaza igihe ubukwe bwabo buzaberera.

Divin Uwayo ni Umuyobozi wa Radiyo za RBA kuva ku wa 5 Ugushyingo 2024 akaba n’umunyamakuru ubimazemo igihe. Kuva mu 2017 kugeza uyu munsi, amaze imyaka icyenda akorera ku cyicaro gikuru cy’Urwego rw’Igihugu rw’Itangazamakuru (RBA). Mbere yaho, Divin Uwayo yanyuze kuri RC Musanze.

Ba uwa mbere mu kumenya amakuru agezweho!!!