Young Africans yatanze inkunga ku bagizweho ingaruka n’ibiza muri Gicurasi
Imibereho

Young Africans yatanze inkunga ku bagizweho ingaruka n’ibiza muri Gicurasi

Imvaho Nshya

September 15, 2023

Ikipe ya Young Africans yo mu gihugu cya Tanzania yatanze inkunga y’ibikoresho ku baturage bagizweho ingaruka n’ibiza byibasiye Intara y’Iburengerazuba n’Intara y’Amajyaruguru mu ijoro ryo ku itariki 2 rishyira iya 3 Gicurasi 2023.

Ni igikorwa cyabaye mu gitondo cyo kuri uyu wa Gatanu ku cyicaro gikuru cy’Ishami ry’Umuryango w’Abibumbye ryita ku biribwa.

Abitabiriye iki gikorwa barimo umuyobozi mukuru wa Young Africans Engineer Hersi Said Ally n’umuyobozi wa APR FC, Rt Richard Karasira n’abandi bafana ba Young Africans bari mu Rwanda

Inkunga yatazwe na Young Africans ku bagizweho ingaruka n’ibiza igizwe n’imifuka ya Sima 200 n’amabati 100.

Umuyobozi wa Young Africans Engineer Hersi Said Ally yavuze ko impamvu batekereje iki gikorwa ari uko Abanyarwanda n’Abanyatanzaniya ari abavandimwe.

Yagize Ati: “Twatekereje iki gikorwa kubera ko Abanyarwanda n’Abanyatanzaniya turi abavandimwe, turi hano gufasha abagizweho ingaruka n’ibiza kuko turi umwe, ikindi kandi hari Abanyrwanda bafana Young Africans”.

Umuyobozi ushizwe ubuyobozi n’imari muri Ministeri y’Ibikorwa by’Ubutabazi (MINEMA), Munyazikwiye Jerome yavuze ko inkunga bahawe igiye gukomeza gufasha abaturage bakiri mu nzu zigaragara ko zishobora guteza ibibazo igihe hagwa imvura nyinshi.

Yagize Ati: “Ni inkunga ije  isanga izindi twagiye twakira zivuye mu bafatanyabikorwa kandi ni ibintu bidufasha kubakira abaturage badafite inzu zikomeye n’abadafite uburyo rwo kurinda amazi ibyo bikomeza kudufasha, nka MINEMA turizeza Abanyrwanda ko iyi nkunga izakoreshwa ibyo yagenewe”.

Young Africans iri mu Rwanda gukina umukino ubanza mu gushaka itike y’amatsinda ya CAF Champions League uzayihuza na AL Merrikh yo muri Sudani, kuri uyu wa Gatandatu kuri Kigali Pele Stadium.

Umuyobozi Mukuru wa Young Africans Eng Hersis Said Ally na Chairman wa APR FC Rt Conel Richard Karasira

 SHEMA IVAN

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA