Taliki 12-03-2023

REG BBC- Kwara Falcons (16h00)

Taliki 14-03-2023

ABC Fighters-REG BBC (21h30)

Taliki 15-03-2023

REG BBC-AS Douanes (21h30)

Taliki 18-03-2023

Stade Malien-REG BBC (16h00)

Taliki 20-03-2023

REG BBC- US Monastir (21h30)

Mu rukerera rwo kuri uyu wa Kabiri, taliki 7 Werurwe 2023, ikipe ya  REG BBC  ni bwo yahagurutse mu Rwanda yerekeza  i Dakar muri Senegal, aho igiye guhagararira u Rwanda mu  mikino y’Afurika “Basketball Africa League (BAL 2023)”.

Iyi mikino yo mu itsinda A “Sahara Conference”  izabera muri Dakar Arena  muri Senegal taliki 11 kugeza 21 Werurwe 2023.

Iri tsinda  rigizwe na ABC Fighters (Côte d’Ivoire), AS Douanes (Senegal), Kwara Falcons (Nigeria), REG BBC (Rwanda), Stade Malien (Mali) na US Monastir (Tunisia).

Mbere yo kwerekeza muri Senegal, taliki 04 Werurwe 2023, Minisitiri wa Siporo “MINISPORTS”, Munyangaju Aurore Mimosa yasuye iyi kipe  ya REG BBC  asaba abakinnyi kuzitwara neza bagahesha ishema u Rwanda.

Iyi kipe ya REG BBC yitabiriye iyi mikino ku nshuro ya kabiri, izatangira irushanwa ikina na Kwara Falcons  yo muri Nigeria, taliki 12 Werurwe 2023.

Taliki 15 Werurwe 2023, REG BBC izakina na ABC Fighters yo muri Côte d’Ivoire, taliki 15 Werurwe 2023 ikine na AS Douanes yo muri Senegal.  Taliki 18 Werurwe 2023, REG BBC izakina na Stade Malien yo muri Mali naho taliki 20 Werurwe 2023 ikine na US Monastir yo muri Tunisia ari nayo ifite igikombe giheruka cya 2022.

Nyuma y’iyi mikino, amakipe 4 ya mbere azabona itike y’imikino y’icyiciro cya nyuma  “Playoffs & Finals”  izabera mu Rwanda muri  BK Arena kuva taliki 21 kugeza 27 Gicurasi 2023.

Abakinnyi ikipe ya REG BBC izifashisha

Aba ni Nshobozwabyosenumukiza Jean Jacques Wilson, Shyaka  Olivier, Niyonkuru Pascal, Ntore Habimana, Hagumintwali Steven, Ndizeye Ndayisaba Dieudonne, Muhizi Prince, Umuhoza Jean De Dieu, Adonis Filer Jovon, Pitchou Manga Kambuy, Thomas Cleveland, Graham Delwan na Ulrich Kamka Chomche.

Umutoza mukuru ni  Dean Murray akaba yungirijwe na Mwiseneza Maxime.

Ba uwa mbere mu kumenya amakuru agezweho!!!