Kwara Falcons  74-78 Stade Malien

ABC Fighters  73-80 REG BBC

Taliki 15-03-2023

US Monastir-Kwara Falcons (Dakar Arena-1800)

REG BBC-AS Douanes (Dakar Arena-21h30)

Ikipe ya REG BBC yitwaye neza itsinda ABC Fighters yo muri Cote d’Ivoire  amanota 80 kuri 73 mu mukino wa kabiri mu mikino y’amajonjora yo mu itsinda A “Sahara Conference” mu  mikino y’Afurika “Basketball Africa League (BAL 2023)”.

Muri uyu mukino, ikipe  ABC Fighters  yitwaye neza itsinda uduce tubiri tubanza, amanota 20 kuri 17 na 24 kuri 20. Ikipe ya REG BBC yitwaye neza mu duce tubiri twa nyuma aho yatsinze  amanota 26 kuri 18 na 17 kuri 11 birangira yegukanye intsinzi ku manota 80 kuri 73.

Umukinnyi  wa REG BBC, Adonis Filer  ni we witwaye neza muri uyu mukino aho yatsinze amanota 25, atanga imipira 6 yavuyemo amanota ndetse anagarura imipira 4  itageze mu nkangara “Rebounds”.

Ikipe ya REG BBC uyu ni umukino wa kabiri itsinze nyuma y’uko ku mukino wa mbere yatsinze  Kwara  Falcons yo muri Nigeria amanota 64 kuri 48.

Kwara  Falcons yatsinzwe umukino wa kabiri

Ikipe ya Kwara  Falcons nyuma yo gutsindwa na REG BBC ku mukino wa mbere yatsinzwe na  Stade Malien yo muri Mali amanota 78 kuri 74.

Muri uyu mukino, ikipe ya Stade Malien yatsinze uduce dutatu tubanza, amanota 18 kuri 15,  18 kuri 16 na 28 kuri 18 naho Kwara Falcons itsinda agace ka kane ku manota 25 kuri 14.

Nyuma y’iyi mikino, ikipe ya REG BBC ni yo iyoboye urutonde by’agateganyo.

Imikino irakomeza hakinwa  iy’umunsi wa 4

Kuri uyu wa Gatatu, taliki  15 Werurwe 2023, imikino ya BAL 2023 irakomeza hakinwa iy’umunsi wa kane.

Mu mikino iteganyijwe, ikipe ya US Monastir irakina na Kwara Falcons, saa kumi (16h00) i Dakar akaba ari saa kumi n’ebyiri (1800) i Kigali naho ikipe ya REG BBC irakina umukino wa gatatu na  AS Douanes yo muri Senegal. Umukino uteganyijwe  kuba saa moya n’igice (19h30) i Dakar akaba ari saa tatu n’igice (21h30) i Kigali.

Ba uwa mbere mu kumenya amakuru agezweho!!!