Taliki 11-09-2022

REG BBC 71- 44 APR BBC

Patriots BBC 75-82 REG BBC

Taliki 14-09-2022

APR BBC-REG BBC (BK Arena-18h00)

REG BBC-Patriots BBC (BK Arena-20h00)

Nyuma y’umukino wa nyuma wa gatatu muri  “Playoffs 2022”, ikipe ya REG BBC mu bagabo ndetse no mu bagore ziyongereye amahirwe yo kwisubiza igikombe cya shampiyona ya Basketball y’uyu mwaka wa 2021-2022.

Umukino wa nyuma wa 3 wabaye ku Cyumweru taliki 11 Nzeri 2022, mu bagabo,  ikipe ya REG BBC yatsinze Patriots BBC amanota 82 kuri 75.

Muri uyu mukino, ikipe ya Patriots BBC yatangiye neza itsinda uduce tubiri twa mbere ku manota 22 kuri 15  na 24 kuri 18. Uduce tubiri twa nyuma twihariwe n’ikipe ya REG BBC  aho yatsinze agace ka 4 ku manota 23 kuri 20 inatsinda agace 4 ku  manota 26 ku 9.

Nyuma yo gutsinda uyu mukino, REG BBC yahise iyobora kuko ubu imaze gutsinda imikino 2 kuri 1.

Mu mukino wa mbere, Patriots BBC yari yatsinze REG BBC amanota 75 kuri 70, umukino wa kabiri REG BBC itsinda Patriots BBC amanota 79 kuri 70 hitabajwe iminota y’inyongera.

Mu bagore naho ikipe ya REG BBC yitwaye neza itsinda APR BBC  umukino wa nyuma wa 3  ku manota 71 kuri 44.

Kugeza ubu REG BBC iri mbere aho imaze gutsinda imikino 2 kuri 1. Umukino wa mbere  REG BBC yari yatsinze APR BBC amanota 60 kuri 57 naho umukino wa kabiri, APR BBC itsinda REG  BBC amanota 65 kuri 58.

Umukino wa 4  uzaba ku wa Gatatu

Ku wa Gatatu taliki 14 Nzeri 2022, imikino ya nyuma ya “Playoffs 2022” izakomeza  hakinwa umukino wa 4. Mu bagore ikipe ya APR BBC izakina na REG BBC (18h00). Ikipe ya REG BBC nitsinda uyu mukino  izahita yegukana igikombe. Ikipe ya APR BBC nitsinda  hazakinwa undi mukino.

Mu bagabo, ikipe ya REG BBC izakina na Patriots BBC (20h00). Ikipe ya REG BBC nitsinda izahita yegukana igikombe mu gihe Patriots BBC nitsinda hazakinwa undi mukino wa 5, taliki 16 Nzeri 2022.

Abakunzi b’umukino wa Basketball bifuza kureba iyi mikino  bagura itike bakoresheje uburyo bw’ikoranabuhanga  banyuze kuri uru rubuga “http://ticqet.rw”.

Ba uwa mbere mu kumenya amakuru agezweho!!!