CG (Rtd) Gasana Emmanuel ntakiri Guverineri w’Intara y’Iburasirazuba
Amakuru

CG (Rtd) Gasana Emmanuel ntakiri Guverineri w’Intara y’Iburasirazuba

Imvaho Nshya

October 25, 2023

Perezida wa Repubulika y’u Rwanda Paul Kagame, yahagaritse mu mirimo CG (Gtd) Gasana K. Emmanuel wari Guverineri w’Intara y’Iburasirazuba kubera ibyo agomba kubazwa akurikiranyweho.

Ni amakuru yamenyekanye ku gicamunsi cyo kuri uyu wa Gatatu tariki ya 25 Ukwakira, nyuma y’itangazo ryaturutse mu Biro bya Minisitiri w’Intebe.

CG (Rtd) Gasana K. Emmanuel yaherukaga guhagarikwa mu nshingano tariki ya 25 Gicurasi 2020, icyo gihe akaba yari Guverineri w’Intara y’Amajyepfo guhera mu mwaka wa 2018.

Icyo gihe ntabwo higeze hatangazwa ibyo aba bayobozi bakurikiranyweho gusa bahagaritswe ku myanya yabo mu gihe hari hashize iminsi mike hari n’abandi bakuwe ku nshingano.

Ku wa 15 Werurwe 2021, ni bwo Gasana yongeye guhabwa inshingano zo kuba Guverineri w’Intara y’Iburasirazuba, bivuze ko yari amazeho igihe cy’imyaka ibiri n’amezi arindwi.

NTAWITONDA JEAN CLAUDE

TANGA IGITECYEREZO

  • Jean de la croix
    October 28, 2023 at 4:07 pm Musubize

    Uwo muyobozi nakomeze akorweho iperereza nahamwa nicyaha ahanwe namategeko.

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA