Tanzania 140-138 UAE

Kenya 41-88 Rwanda

Taliki 20-04-2023

Kenya –Tanzania (08h30)

Uganda-UAE (12h30)

Nyuma yo gutsindwa na Uganda ku mukino wa mbere, ikipe y’u Rwanda yitwaye neza mu mukino wa kabiri itsinda Kenya mu irushanwa mpuzamahanga “Victoria Series 2023” ririmo kubera i Kampala muri Uganda ku kibuga cya “Lugogo Cricket Oval” kuva taliki 18 Werurwe 2023.

Muri uyu mukino hakinwe udupira 84 (14 Overs) aho kuba 120 (20 Overs) kubera imvura yatindije itangira ry’ umukino. Ikipe y’u Rwanda ni yo yatangiye ikubita agapira ishaka amanota “Batting” maze mu dupira 84 (14 Overs) ikora amanota 88 mu gihe abakinnyi 6 ari bo basohowe mu kibuga (6 Wickets).

Mu gice cya kabiri, ikipe ya Kenya yasabwaga amanota 89 ngo yegukane intsinzi yatangiye gukubita agapira  “Batting” maze ubwo hari hamaze gukinwa udupira 79 (13.1 Overs), abakinnyi 10 basohowe mu kibuga (10 Wickets) mu gihe yari imaze gukora amanota 41.

Ikipe y’u Rwanda yegukanye intsinzi ku kinyuranyo cy’amanota 47.  Iyi akaba ari inshuro ya mbere ikipe y’u Rwanda itsinze Kenya mu irushanwa mpuzamahanga.

Muri uyu mukino, Ishimwe Henriette Therese ukinira ikipe y’u Rwanda ni we witwaye neza aho yatsinze amanota 26 mu dupira 18 anasohora mu kibuga abakinnyi 2 ba Kenya (2 Wickets).

Ikipe y’u Rwanda izongera gukina ku wa Gatanu taliki 21 Mata 2023 na UAE.

Undi mukino wabaye, ikipe ya Tanzania yakinaga umukino wayo wa mbere yatsinze UAE.

Muri uyu mukino, Saum Mtae ukinira ikipe y’igihugu ya Tanzania ni we witwaye neza aho yatsinze amanota 40 mu dupira 33.

Nyuma y’imikino y’umunsi wa kabiri, ikipe ya Uganda irayoboye n’amanota 2 inganya na Tanzania, u Rwanda na UAE  naho Kenya ikaza ku mwanya wa 5 aho nta nota na rimwe ifite.

Gahunda y’imikino y’umunsi wa 3

Kuri uyu wa Kane , taliki 20 Mata 2023 hateganyijwe imikino y’umunsi 3 aho ikipe ya Kenya  ikina na Tanzania  naho Uganda ikine na UAE.

Ba uwa mbere mu kumenya amakuru agezweho!!!