Handball: Hagiye gutangira shampiyona izakinwa mu buryo bushya

Handball: Hagiye gutangira shampiyona izakinwa mu buryo bushya

NTAWITONDA JEAN CLAUDE

April 22, 2022

Taliki 23-04-2022

ES Kigoma- St Martin Hanika (12h00)      

Munyove -Police HBC       (14h00) 

UR-Huye -ES Kigoma  (16h00)

Police HBC- St Martin Hanika (17h00)

ADEGI HBC-Gicumbi HBT (14h00)

Taliki 24-04-2022

APRHBC-Nyakabanda (11h00)

Ishyirahamwe ry’umukino wa Handball mu Rwanda “FERWAHAND” ryamaze gushyira ahagaragara ingengabihe ya shampiyona y’icyiciro cya mbere mu bagabo biteganyijwe ko izatangira taliki 23 Mata 2022.

Iyi shampiyona izakinwa mu buryo bushya aho amakipe 10 azakinira muri League ebyiri (A na B) hanyuma hazabaho imikino ya kamarampaka izahuza 3 muri buri League hakazavamo ikipe yegukana igikombe cya shampiyona.

Amakipe azitabira shampiyona ni Police HBC, ES Kigoma, UR-HUYE, Munyove  na College St Martin Hanika ziri muri League A  naho APR HC, ADEGI, Gicumbi HBT, UR-Rukara na Nyakabanda HC ziri muri League B.

Shampiyona y’umukino wa Handball yaherukaga gukinwa muri 2019 naho mu 2020 na 2021 ikaba itarakinwe kubera COVID-19. Ikipe ya Police HBC akaba ari yegukanye igikombe giheruka.

Ku munsi wa mbere w’imikino ya shampiyona, muri League A, imikino yose izabera ku kibuga cya Kimisagara ku wa Gatandatu taliki 23 Mata 2022.

Mu mikino iteganyijwe, ES Kigoma izakina na College St Martin Hanika (12h00), Munyove HC  ikine na Police HBC ifite igikombe giheruka mu 2019 (14h00), UR-Huye ikine na ES Kigoma  (16h00) na Police HBC ikine nanone na College St  Martin Hanika (17h00).

Muri League A, taliki 23 Mata 2022, ikipe ya ADEGI izakira Gicumbi HBT i Gituza (14h00) naho taliki 24 Mata 2022 ku kibuga cya Kimisagara  ikipe ya APRHBC ikine na Nyakabanda (11h00).

Imikino y’umunsi wa kabiri biteganyijwe ko izakinwa taliki 01 Gicurasi 2022.

Biteganyijwe ko shampiyona y’icyiciro cya mbere mu bagore ndetse na shampiyona y’icyiciro cya kabiri mu bagabo izatangira taliki 30 Mata 2022.

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA