Ibyiza byo gukoresha amashyiga avuguruye n’ibibi by’aya gakondo 
Amakuru

Ibyiza byo gukoresha amashyiga avuguruye n’ibibi by’aya gakondo 

Imvaho Nshya

July 14, 2023

Leta yasobanuye ibyiza byo gukoresha amashyiga avuguruye n’ibibi byo gukomeza gukoresha amashyiga gakondo. Ni muri gahunda ya Guverinema y’u Rwanda yo kugabanya iyangizwa ry’ibidukikije habungabungwa mashyamba.

Binyuze muri gahunda ya Nkunganire ku mashyiga, Guverinema y’u Rwanda ibinyujije muri sosiyete y’u Rwanda ishinzwe ingufu REG ku bufatanye na Banki y’Isi na Banki y’u Rwanda itsura Amajyambere abaturage bakomeje kugezwaho amashyiga arondereza ibicanwa ndetse n’akoresha izindi ngufu zidakomoka ku bimera. 

Muri iyi nkuru tugiye kubagezaho ibyiza byo gukoresha amashyiga avuguruye ndetse n’ibibi byo gukoresha amashyiga ya gakondo byitezwe ko azaagenda aba amateka.

Ikinyamakuru Imvaho Nshya cyaganiriye na Niyonsaba Oreste Umuyobozi ushinzwe ibicanwa muri REG agira byinshi atubwira Abanyarwanda bakwiye kumenya byabafasha kunoza amahitamo yabo.

Niyonsaba yemeza ko ibyiza byo gukoresha amashyiga avuguruye ari byinshi ugereranyije n’asanzwe harimo kuba  akoresha ibicanwa bike, kurengera ubuzima bw’abayakoresha ndetse no kubungabunga ibidukikije.

Kuzigama amafaranga

Niyonsaba Oreste avuga ko amashyiga arondereza ibicanwa afasha uyakoresha kuzigama amafaranga bishingiye ko ayakoresha inkwi n’amakara agabanya cyane ingano yakoreshwaga. 

Niyonsaba Oreste akomeza avuga ko amashyiga ari muri iyi gahunda ya Leta aba yarabanje gupimwa kugira ngo harebwe ko yujuje ibipimo bisabwa kugira ngo abe yagabanya ibicanwa ku buryo bushimishike. 

Ibi rero bituma afasha umuturage kugabanya ingano y’amafaranga yakoreshaga agura ibicanwa akaba yayazigama cyangwa akayakoresha ibindi. Ikindi kandi, ayo mashyiga araramba cyane ku buryo bidasaba ko umuturage ahora asabwa kugura andi mu gihe gito. 

Gutekera aheza no kurinda indwara z’ubuhumekero

Nk’uko Niyonsaba Oreste yakomeje abyemeza, mu guhitamo amashyiga ajya muri iyi gahunda hanapimwa ubushobozi bwayo mu kugabanya ibyuka byanduza ikirere. 

Ibi bituma ahantu umuntu atekera hahorana isuku. Ikindi ni uko mu busanzwe ibyuka bihumanya ikirere bitera n’indwara z’ubuhumekero; mu gihe rero ayo mashyiiga avuguruye akoreshwa ibyago byo kugerwaho n’izo ndwara bigabanuka bityo uyakoresha agahorana ubuzima bwiza. 

Akomeza avuga ko mu bushakashatsi bwagiye bukorwa basanze imyotsi y’amashyiga gakondo itera uburwayi bw’ubuhumekero aho wasangaga aho batekera handujwe n’imyotsi bikaguha ishusho y’uko nahandi byifashe.

Akorohereza gukora akandi kazi

Kugabanya ingano y’ibicanwa bikoreshwa muri ayo mashyiga kandi bituma bidasaba ko utetse aguma hafi aho ngo akomeze yenyegeze cyangwa se ngo ashyiremo ibindi bicanwa. Ibi rero bituma umwanya yakamaze atetse awukoresha ibindi bifitiye akamaro umuryango. 

Niyonsaba abajijwe ikizere batanga ko Abanyarwanda bakeneye amashyiga avuguruye bayabona bitabagoye.

Yagize ati:”Muri iyi gahunda, Leta isinyana amasezerano na ba Rwiyemezamirimo basanzwe bakorera ibi bikorwa mu gihugu hose ku buryo twizeye ko abaturage bose bazagenda bagerwaho n’iyi gahunda bitabagoye aho usanga ba rwiyemezamirimo bamanura ibikorwa byabo hafi mu baturage kugera no mu byaro.”

Zimwe mu mbogamizi uburyo bwo kugeza ku baturage amashyiga avuguruye zigihari ni izihe?

Muri iyi gahunda, Leta igenera abaturage nkunganire ku giciro amashyiga aba asanzwe agurwaho. 

Umuturage rero nawe aba agomba gutanga uruare rwe kugira ngo ashobore kugerwaho n’ayo mashyira. 

Rimwe na rimwe rero usanga abaturage bagenda bigruntege mu gutanga uruhare rwabo bityo bigatuma iyi gahunda itihuta ku buryo bushimishije. 

Indi mbogamizi ni igihe uwahawe amashyiga attayakoresha uko byagenwe bityo bigatuma umusaruro wari witezwe mu kugabanya ibicanwa bicyenerwa utagerwaho. 

Zimwe mu nama mugira  abaturage ni izihe?

Niyonsaba Yagize ati:”Abaturage turabagira inama yo kwitabira iyi gahunda kuko bizatuma bagerwaho n’ibyiza byaho. Ikindi kandi turabashishikariza gukoresha neza ayo mashyiga nk’uko baba babyigishijwe na ba Rwiyemezamirimo kuko bituma umusaruro witezwe ugerwaho. 

Muri gahunda Leta yihaye nuko my mwaka wa 2026 ingo zigera ku bihumbi 500 zizaba zamaze kugerwaho n’amashyiga avuguruye ari nako Aya gakondo aba amateka byose bikorwa kuri Nkunganire ya Leta itangwa bigendeye ku byiciro byahoze ari iby’ubudehe.

TANGA IGITECYEREZO

  • Kayisire Jeanne
    July 14, 2023 at 11:14 am Musubize

    Mwatubwira uko dushobora kubona aya mashyiga?

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA