Taliki 06-05-2023

Marines FC 1-0 Bugesera FC

Rwamagana City 0-0 Police FC

Rutsiro FC 1-0 Sunrise FC

Mukura 3-1 Etincelles FC

AS Kigali 2-1 Gasogi United

Taliki 07-05-2023

Rayon Sports 1-3 Gorilla FC

Musanze FC 0-1 Kiyovu

APR FC 2-1 Espoir FC

Ikipe ya Kiyovu  yitwaye neza mu mukino w’umunsi wa 28 aho yatsinze Musanze FC bituma amahirwe yo kwegukana igikombe cya shampiyona yiyongera.

Mu mpera z’iki Cyumweru, taliki 06 na 07 Gicurasi 2023 ni bwo habaye imikino y’umunsi wa 28  ya shampiyona y’icyiciro cya mbere mu mupira w’amaguru mu bagabo.

Imikino yari itegerejwe cyane yabaye taliki 07 Gicurasi 2023 aho  ikipe ya Kiyovu yatsinze Musanze FC igitego 1-0, umukino wabereye i Musanze.

Kuri Sitade ya Bugesera, ikipe ya APR FC yatsinze Espoir FC ibitego 2-1 naho kuri Kigali Pele Stadium i Nyamirambo, ikipe ya Rayon Sports  itsindwa na Gorilla FC ibitego 3-1.

Mu yindi mikino yabaye, ikipe ya Marines FC yatsinze Bugesera FC igitego 1-0, Rwamagana City FC inganya na  Police FC 0-0, Rutsiro FC itsinda Sunrise FC igitego 1-0, Mukura itsinda Etincelles FC ibitego 3-1 naho AS Kigali itsinda Gasogi United ibitego 2-1.

Ikipe ya Kiyovu gutsinda uyu mukino byatumye ikomeza kuyobora urutonde n’amanota 60 aho ikurikiwe na  APR FC n’amanota 57 mu gihe Rayon Sports yasubiye ku mwanya wa 3 n’amanota 55.

Kugira ngo shampiyona isozwe hasigaye imikino ibiri, ikipe ya Kiyovu izakina na Sunrise FC  na Rutsiro FC. APR FC izakina na Rwamagana City na Gorilla FC naho Rayon Sports isigaje gukina na Marines FC na Sunrise FC.

Ikipe ya Kiyovu kugira ngo yegukane igikombe iheruka mu myaka 30 ishize irasabwa gutsinda umukino umwe ikanganya undi.

Imikino y’umunsi wa 29 biteganyijwe ko izakinwa taliki 20 na 21 Gicurasi 2023.

Uko urutonde rusange ruhagaze

Ba uwa mbere mu kumenya amakuru agezweho!!!