Prof Nshuti Manasseh yahagarariye Perezida Kagame mu nama ya BRICS
Amakuru

Prof Nshuti Manasseh yahagarariye Perezida Kagame mu nama ya BRICS

Imvaho Nshya

August 25, 2023

Kuri uyu wa Kane taliki ya 24 Kanama, Umunyamabanga wa Leta muri Minisiteri y’Ububanyi n’Amahanga n’Ubutwererane Prof. Nshuti Manasseh, yahagarariye Perezida wa Repubulika y’u Rwanda Paul Kagame mu Nama y’Ibihugu bikataje mu Iterambere bihuriye mu Muryango BRICS. 

Iyo nama iteraniye i Johannesburg muri Afurika y’Epfo, igamije kwiga ku bufatanye buharanira inyungu za buri wese, iterambere rirambye n’ubutwererane budaheza. 

Prof. Nshuti Manasseh yibukije abitabiriye iyo nama agaciro ko gushyira hamwe hagamijwe gushaka ibisubizo by’ibibazo byugarije Isi mu nzego zitandukanye. 

Mu bibazo bihangayikishije Isi ya none, harimo intambara z’urudaca hirya no hino, ibibazo birebana n’ubukungu, imihindagurikire y’ibihe, indwara z’ibyorezo n’ibindi bibanganira umudendezo w’abatuye Isi. 

Yaboneyeho gutumira abitabiriye iyo Nama mu nama ya gatatu yiga kubiterambere ry’ibihugu bidakora ku nyanja n’ibirwa bito itegerejwe mu kwezi kwa Kamena 2024. 

Umuryango BRICS wungutse ibihugu 6

Muri iyo nama, Perezida w’Afurika y’Epfo Cyril Ramaphosa, yatangaje ko Iran, Argentine, Misiri, Etiyopiya, Arabie Saoudite na Leta Zunze Ubumwe z’Abarabu (UAE) binjiye muri BRICS, muri iyo nama ya 15 iteraniye i Johannesburg.

Ibyo bihugu bikaba bizemerwa nk’abanyamuryango bashya guhera ku wa 1 Mutarama 2024, nk’uko byagaragajwe na Perezida wa Afurika y’Epfo.

Nk’uko byatangajwe n’umunyamakuru wa Radio Mpuzamahanga y’u Bufaransa i Johannesburg, Claire Bargelès. 

Ni umunsi w’amateka muri Afurika y’Epfo, abayobozi b’ibihugu bitanu byashinze BRICS  ari byo Brésil, u Burusiya, u Buhinde, u Bushinwa  n’Afurika y’Epfo, bagiranye ikiganiro n’abanyamakuru mu kigo cy’inama cy’i Johannesburg kugira ngo basuzume ibitekerezo byabo, nyuma y’iminsi itatu y’inama.

Perezida w’Afurika y’Epfo, Cyril Ramaphosa yagize ati: “Ibihugu bitandatu byose byakiriwe muri uyu muryango, harimo bibiri byo ku mugabane w’Afurika.

Misiri na Etiyopiya byinjiye hamwe na Argentine, Iran, Arabie Saoudite na Leta zunze ubumwe z’Abarabu. Cyril Ramaphosa yakiriye neza ati: “Muri iyi nama, BRICS itangiye igice gishya.”

BRICS bagomba gushaka irindi zina, bashoboye kubona aho bahurira, baganira ku bipimo byinjira n’abakandida bemezwa, kubera ko guhitamo byagombaga gukorwa ku bwumvikane.

Ni icyemezo cyanditse amateka kizongera imbaraga mu uwo muryango, mu bihugu bitandukanye mu bijyanye n’ubukungu ndetse na politiki.

Iki cyemezo cyanejeje Perezida wa Brésil, Lula ati: “Ni umunezero mwinshi.”

Kuri Minisitiri w’Intebe w’u Buhinde, Narendra Modi we yagize ati: “Igikorwa cyakiriwe nk’ikimenyetso cyo gushimangira kwaguka ku Isi.”

Perezida w’u Burusiya Vladimir Putin kimwe na Xi Jinping bohereje ubutumwa bw’ishimwe ry’abanyamuryango bashya.

Kuri dipolomasi ya Irani, kuba Irani ari umunyamuryango ni insinzi zifatika kuri politiki y’ububanyi n’amahanga”, nkuko byanditswe kuri X (ex-Twitter)n’Umujyanama wa Perezida Ebrahim Raïsi mu bya politiki.

Etiyopiya ishimira “icyerekezo, igihe gikomeye” ku gihugu cya kabiri muri Afurika gituwe cyane.

Minisitiri w’intebe Abiy Ahmed yongeyeho ati: “Etiyopiya yiteguye gufatanya na bose kugira ngo Isi ibe nziza kandi itere imbere.”

NYIRANEZA JUDITH

TANGA IGITECYEREZO

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA