Rusizi-Rubavu (195,5 km)

1. Ormiston Callum 04h59’51”

2. Calzoni Walter 04h59’57”

3. Eyob Metkel  04h59’57”

4. Lecerf William Junior 04h59’57”

5. Stewart Mark  04h59’57”

Urutonde rusange (781, 8 km)

1. Lecerf William Junior 19h40’50”

2. Budiak Anatolii  19h40’52”

3. Vercher Matteo 19h40’53”

4. De La Parte Victor 19h40’57”

5. CALZONI Walter  19h41’01”

Imyanya Abanyarwanda bariho

7. Muhoza Eric 19h41’01”

28. Niyonkuru Samuel  19h56’45’

36. Mugisha Moise 20h09’20”

41. Masengesho  20h14’32”

56. Nsengimana Jean Bosco  20h38’11”

66. Hakizimana Felicien  21h01’57”

67. Nsengiyumva Shemu  21h05’42”

70. Bigirimana Jean Nepo  21h52’19”

Taliki 24-02-2023

Rubavu-Gicumbi (157 km)

Ormiston Callum ukinira ikipe y’Afurika y’Epfo ni we wegukanye intera ya 5 ya Tour du Rwanda 2023  maze Lecerf William Junior ukinira ikipe ya Soudal–Quick-Step Devo yo mu Bubiligi ari na ho akomoka ahita afata umwanya wa mbere ku rutonde rusange aba umukinnyi wa kane uyoboye iri siganwa kuva ryatangira.

Iyi ntera yakinwe kuri uyu wa kane taliki 23 Gashyantare 2023, abasiganwa  bahagurukiye i Rusizi basoreza i Rubavu baciye i Karongi no mu Rutsiro ahari intera ya kilometero 195,5.

Umukinnyi Ormiston Callum ni we wegukanye iyi ntera ya kabiri  ndende muri iri siganwa aho  yakoresheje amasaha 4, iminota 59 n’amasegonda 51. Yakurikiwe n’igikundi cy’abakinnyi 14  barimo n’umukinnyi w’Umunyarwanda, Muhoza Eric ukinira Bike Aid yo mu Budage. Aba bakinnyi bakaba barakoresheje amasaha 4, iminota 59 n’amasegonda 57.

Lecerf William Junior ukinira ikipe ya Soudal–Quick-Step Devo yo mu Bubiligi  ni we wafashe umwanya wa mbere ku rutonde rusange aho muri kilometero 781, 8  amaze gukoresha amasaha 19, iminota 40 n’amasegonda 50. Akurikiwe na Budiak Anatolii umaze gukoresha amasaha 19, iminota 40 n’amasegonda 52.

Abakinnyi batatu bayoboye isiganwa kuva ryatangira barimo Vernon Ethan ubu uri ku mwanya wa 51, Mulubrhan Henok uri ku mwanya wa 10 na Bonnet Thomas uri ku mwanya wa 29.

Umukinnyi w’umunyabigwi, Chris Froome ari ku mwanya wa 21 aho hagati ye n’umukinnyi wa mbere harimo ikinyuranyo cy’iminota 4 n’amasegonda 49.

Umukinnyi w’Umunyarwanda uri hafi ku rutonde ni Muhoza Eric ukinira ikipe ya Bike Aid mu Budage aho ari ku mwanya wa 7 hagati ye n’umukinnyi wa mbere hakaba harimo ikinyuranyo cy’amasegonda 11.

Abakinnyi 70 ubu ni bo basigaye ku rushanwa muri 93 batangiye isiganwa. Kuri iyi ntera ya 5, abakinnyi 80 ni bo batangiye isiganwa  hasoza 70 aho 10 batabashije gusoza. Aba ni  Raisberg Nadav, Kessler Cole  (Israel – Premier Tech), Manizabayo Eric (Rwanda), Andemariam Hager, Aman Awet (Eritrea), Su Haoyu, Teng Geng  (China Glory Continental Cycling), Toupalík Jakub  (EF Education-NIPPO Development),  Khafi Oussama na Saaoud Mohammed (Maroc).

Intera ya 6 irahagurukira i Rubavu isorezwe i Gicumbi

Kuri uyu wa Gatanu taliki 24 Gashyantare 2023 harakinwa intera ya 6 aho abasiganwa bahagurukira i Rubavu bagasoreza i Gicumbi ku ntera ya kilometero 157.

Ba uwa mbere mu kumenya amakuru agezweho!!!