Kigali-Gisagara ( 132,9 km)

1. Vernon Ethan 03h21’30”

2. Mulueberhan Henok  03h21’30”

3. Meijers Jeroen  03h21’30”

4. Raisberg Nadav  03h21’30”

5. Christensen Ryan 03h21’30”

Urutonde Rusange (248.5 km)

1. Vernon Ethan  06h07’22”

2. Mulueberhan Henok 06h07’22”

3. Meijers Jeroen  06h07’22”

4. Raisberg Nadav  06h07’22”

5. Calzoni Walter 06h07’22”

Imyanya Abanyarwanda bariho

27. Muhoza Eric 06h07’22”

30. Niyonkuru Samuel 06h07’22”

41. Manizabayo Eric 06h07’22”

52. Mugisha Moise 06h08’09”

61. Nsengimana Jean Bosco  06h08’45”

77. Masengesho 06h12’41”

85. Nsengiyumva Shemu  06h25’57”

86. Hakizimana Felicien 06h27’05”

87. Bigirimana Jean Nepo 06h27’45”

Taliki 21-02-2023

Huye-Musanze (199,5 km)

Nyuma yo kwegukana intera ya mbere, Vernon Ethan ukomoka mu Bwongereza akaba akinira ikipe ya Soudal–Quick-Step Devo yo mu Bubiligi yegukanye intera ya kabiri  akomeza kuyobora isiganwa muri rusange.

Kuri uyu wa Mbere, taliki 20 Gashyantare 2023 ni bwo hakinwe intera ya kabiri ya Tour du Rwanda 2023 aho abasiganwa bahagurukiye muri Kigali Car Free Zone berekeza i Gisagara  banyuze i Huye ahareshya na kilometero  132,9.

Vernon Ethan yegukanye iyi ntera akoresheje amasaha 3, iminota 21 n’amasegonda 30 akaba yahagereye rimwe n’abakinnyi 45.

Nyuma yo kwegukana iyi ntera  ya kabiri, Vernon Ethan ni we ukomeje kuyobora urutonde rusange  by’agateganyo aho muri kilometero 248,5  amaze gukoresha  amasaha 6, iminota 07 n’amasegonda 22 akaba anganya ibihe n’abakinnyi 44.

Umukinnyi w’Umunyarwanda, Muhoza Eric ukinira ikipe ya Bike Aid mu Budage ni we uri hafi ku rutonde rusange  aho ari ku mwanya wa 27.

Abakinnyi 93 ni bo batangiye isiganwa  ariko ubu hasigayemo 85. Abakinnyi 6 bamaze kuvamo barimo  Goetham Alex ukinira ikipe y’igihugu ya  South Africa na   Simon Aytsegeb Aron ukinira ikipe ya May Stars basoje isiganwa ariko igihe cyagenwe cyarenze. Hari kandi Conca Filippo  ukinira  Q36.5 Pro Cycling Team, Charlton Josh (Great Britain), Perry Tobias ( EF Education – NIPPO Development) na  Brhane Abel (May Stars) batasoje isiganwa ku ntera ya kabiri.

Hagiye gukinwa intera  ndende muri iri siganwa

Kuri uyu wa Kabiri taliki 21 Gashyantare 2021 harakinwa intera ya gatatu ya Tour du Rwanda 2023 ari na yo ndende muri iri siganwa  aho abasiganwa bahagurukira mu Karere ka Huye  basoreze i Musanze banyuze mu Mujyi wa Kigali ahareshya na kilometero 199,5.

Amafoto

Ba uwa mbere mu kumenya amakuru agezweho!!!