Kigali- Rwamagana (115.6 Km)

1. Vernon Ethan 02h45’52”

2. Jeanniere Emilien 02h45’52”

3. Mulueberhan Henok 02h45’52”

4. Fiorelli Filippo 02h45’52”

5. Habteab Yoel 02h45’52”

Urutonde Rusange

1. Vernon Ethan 02h45’52”

2. Jeanniere Emilien 02h45’52”

3. Mulueberhan Henok 02h45’52”

4. Fiorelli Filippo 02h45’52”

5. Habteab Yoel  02h45’52”

Imyanya Abanyarwanda bariho

21. Mugisha Moise 02h45’52”

34. Masengesho 02h45’52”

41. Muhoza Eric 02h45’52”

49. Bigirimana Jean Nepo  02h45’52”

52. Niyonkuru Samuel  02h45’52”

70. Manizabayo Eric 02h45’52”

87. Nsengimana Jean Bosco  02h46’28”

90. Hakizimana Felicien 02h58’00”

91. Nsengiyumva Shemu 03h01’25”

Taliki 20-02-2023

Kigali-Gisagara ( 132,9 km)

Vernon Ethan ukomoka mu Bwongereza akaba akinira ikipe ya Soudal–Quick-Step Devo yo mu Bubiligi ni  we wegukanye intera ya mbere ya Tour du Rwanda 2023  yatangiye gukinwa ku nshuro ya 15.

Iri siganwa mpuzamahanga ryatangiye taliki 19 rikazasozwa 20 Gashyantare 2023, ryitabiriwe n’abakinnyi 93 bari mu makipe 19.

Intera ya mbere y’iri siganwa yatangiriye  Kigali Golf Resort & Villas i Nyarutarama isorezwa i Rwamagana aho abakinnyi babanje kuzenguruka mu Mujyi inshuro 5 basoza bakoze intera ya kilometero 115,6.

Abakinnyi 81 bose basoreje mu gikundi ariko Vernon Ethan abatanga mu murongo, aba bakinnyi bose bakoresheje amasaha 2, iminota 45 n’amasegonda 52.

Nyuma yo kwegukana iyi ntera ya mbere Vernon Ethan ufite imyaka 22 y’amavuko  ni we wahise ayobora urutonde rusange.

Iri siganwa ryitabiriwe kandi n’umukinnyi ukomoka mu Bwongereza , Christopher Clive Froome “Chris Froome”  akaba yaregukanye Tour de France inshuro 4.

Uyu mukinnyi ufite imyaka 37 y’amavuko akaba akinira ikipe ya Israel- Premier Tech  ubusanzwe  ni umuzamutsi “Climber”. Kuri iyi ntera ya mbere ya Tour du Rwanda 2023 yasoreje ku mwanya wa 44 aho  yakoresheje ibihe bimwe n’uwegukanye intera (02h45’52”).

Muri iri siganwa u Rwanda rufitemo abakinnyi 9 harimo 5 barimo gukinira ikipe y’igihugu, 3 barimo gukinira ikipe ya May Stars ndetse n’undi umwe urimo gukinira ikipe ya Bike Aid mu Budage.

Muri aba  bakinnyi uri ku mwanya wa  hafi muri rusange ni Mugisha Moise uri ku mwanya wa 21 gusa aranganya ibihe n’uyoboye urutonde.

Intera ya kabiri, Kigali- Gisagara

Kuri uyu wa Mbere taliki 20 Gashyantare 2023 harakinwa intera ya kabiri ya Tour du Rwanda 2023, aho abasiganwa bahagurukira muri Kigali Car Free Zone berekeza i Gisagara  banyuze i Huye ahareshya na kilometero  132,9. Iyi ni inshuro ya mbere Tour du Rwanda igiye gusoreza mu Karere ka Gisagara.

Amafoto

Ba uwa mbere mu kumenya amakuru agezweho!!!