Umuzigo w’ibilo birenze 10 muri bisi urishyurirwa-RURA
Amakuru

Umuzigo w’ibilo birenze 10 muri bisi urishyurirwa-RURA

Imvaho Nshya

August 7, 2023

Urwego rw’Igihugu rushinzwe kugenzura imikorere y’inzego zimwe na zimwe z’imirimo ifitiye igihugu akamaro (RURA) rwatangaje ingano y’umuzigo utishyurwa mu modoka zitwara abantu mu buryo bwa rusange.

Mu itangazo RURA yashyize hanze, yagaragaje ko umugenzi mu modoka atagomba gutwara umuzigo mu ntoki urengeje ibiro 10.

Rikomeza rigira riti: “Umubyimba w’ubugari nturenga santimentero 20, umubyimba nturenga sentimetero 50 z’ubujyejuru. Umubyimba nturenga santimetero 50 z’uburebure”.

RURA ikomeza ivuga ko nyiri uwo muzigo ari we ugomba kwita ku mutekano wawo.

Bikubiye kandi mu mabwiriza No 010/R/TLTPT/TRANS/RURA/2021 yo ku wa 14/12/2021 agenga serivisi zo gutwara abantu mu buryo rusange hakoreshejwe bisi. 

Uwitwa Alphonse abinyujije ku mbuga nkoranyambaga, yavuze ko ibiri mu nyandiko bitandukanye n’ibiri ku kibuga.

Yagize ati: “Ibi ni byiza turabashimiye, ariko ibiri mu nyandiko bitandukanye n’ibiri ku kibuga (Terrain). 

Muri gare ya Nyabugogo, Nyanza (Kicukiro) n’ahandi umuzigo utishyurwa ni agakapu ko mu ntoki (Sac à main) gusa. 

Ubwo iyo wanze baterera hanze ukaba urasigaye da!” 

RURA igaragaza ko mu gihe yaba yongeye guhura n’iki kibazo yayimenyesha ku mirongo yayo ya telefoni itishyurwa 3988 cyangwa 2222 kugira ngo bafashwe. 

Ku rundi ruhande ariko abakora ingendo bateze bisi bo bavuze ko ikibazo kitari icy’imizigo ahubwo ko ikibazo gihari ari amafaranga y’umurengera basabwa kwishyura ku rugendo.

Hakizimana Primier yagize ati: “Ikibazo si imizigo mujye ahantu dutegera imodoka ubu kuva Muhanga ujya Nyabugogo ni 3000 Frw.

Umuntu agera muri gare saa mbiri akahava saa munani. Ntituzi niba byemewe, bikaba icyumweru kimwe, bibiri, bitatu mubireba, ntimugire icyo mukora”.

Urwego rw’Igihugu rushinzwe kugenzura imikorere y’inzego zimwe na zimwe z’imirimo ifitiye igihugu akamaro rushimangira ko amafaranga yishyurwa mu rugendo Muhanga-Nyabugogo ari 1,030 Frw ku mugenzi .

Yanditswe na KAYITARE JEAN PAUL

TANGA IGITECYEREZO

  • Jean
    August 8, 2023 at 12:01 am Musubize

    Ibi RURA yavuze nibyiza pe.ariko ndashimangira ibintu bigendanye n’ibiciro cya ticket ntibikora rwose.abashogeri bakubwira igiciro bashaka bati yishyire cg ubireke nta kukwinginga. Ikindi ku mizigo rwose RURA naranayandikiye kiri Twitter ntiyansubiza kuko birababaje kubona umuzigo uhenda kurusha self ticket.
    Urugero kuva nyabgg uza cyumbati ni frw hafi 220. Ariko umufuka wa 25 kg urimo igitoki cg ibindi wishyurwa 1000frw. Nabasabye ko nibura badushyiriraho uburyo bwo kwishyura imizigo dukoresheje cards,nibura byagira icyo byinjiza muri leta.mubikurikirane rwose. Murakoze

  • Vincent
    August 8, 2023 at 7:22 am Musubize

    Twe twarumiwe amafaranga ya transport yo uyavuze bwakira bugacya kuko ibinshiro imanza byarahindutse igisigaye ari ukubitangaza none x urugero ngororero nyabugogo 3000frw cg4000 bitegwa nuko abakata ticket baramutse twe twarumiwe rwose rura tabara pe sinsi ikibazo gihari

  • Ntambara J.Paul
    August 8, 2023 at 7:46 am Musubize

    Kucyumweru Ruhango-Muhanga byari 1000 ngo RURA!!!

  • Emmy
    August 8, 2023 at 5:40 pm Musubize

    Bus zikora neza

  • DUSABUMUREMYI PHILEMON
    August 9, 2023 at 3:01 pm Musubize

    Bikurikiranwe bashireho igiciro cy’umuzigo kuko turahendwa

AMATEGEKO AGENGA IYANDIKA RY'IGITEKEREZO CYAWE

IZINDI NKURU WASOMA